Plantun de Prouvènço

Pèr coumpara dos planto d'encò nostre

Juncus sphaerocarpus & Juniperus thurifera

Juncus sphaerocarpus

Juncaceae

Nom en français : Jonc à fruits globuleux.

Descripcioun :
Aquéu rare pichot jounc trachis d'eici, d'eila, dins li pelouso sablouso o argielouso e en ribo d'aigo. Es uno planto mau couneigudo que sèmblo proun à la tèsto-rousso, Juncus tenageia que vèn sus siliço. Pamens èi pu rabasseto, li grano soun quàsi lisco e lou dessin sus li tepalo (pus escartado) èi pas lou meme. Se destrìo dóu group J. bufonius qu'a si fru bèn redoun e pas alounga.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : 2 à 3 mm
Flourido : Printèms

Sòu : Ca
Autour basso e auto : 0 à 1700 m
Aparado : Noun
Mai à jun

Liò : Pelouso umido - Ribiero
Estànci : Termoumediterran à Mountagnard
Couroulougi : Eurimediterrano
Ref. sc. : Juncus sphaerocarpus Nees, 1818

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).